phài-ka

　　我是Tsan,Phài-ka，今馬佇國立臺中教育大學个台灣語文系讀冊。

　　我出世佇一个客語家庭，父母都是傳統个客家人，自細漢就訓練用客語恰厝內的人講話，所以到今馬我也擱會曉講客話。除了客語以外，自細漢我就生活佇只有我是客人的班級中，所以我甲家己講，我嘛愛學閩南語，除了會凍佮同學作伙，嘛會凍乎家己加會曉一種方言。今馬个我嘛會凍佮朋友用閩南語開講擱袂感覺費氣。

　　阮兜有四个人；父母對我个人格教育足重視个，自細漢就教我足多基本个禮儀參做人的態度：信用、負責任……等等；嘛培養了我獨立的個性佮家己解決問題个能力。為了欲栽培我，父母予我足多學習才藝个機會，為著乎我變成新一代的「考試機器」，希望我是一个充滿創意，會凍快樂學習的人。而且「身教重於言教」是父母个教育理念，所以我的言行舉止嘛受到真大个影響；我的阿兄是一個出社會个人，佮我有年紀个差距，嘛因為安呢，阿兄定定佮我分享、討論伊所面對的問題，乎我的思想比其他仝年个人擱較成熟。

　　我佮意唱歌，參加過足多擺的唱歌比賽，對一擺擺的舞台經驗中肯定、磨練家己，嘛對觀察別人瞭解家己的缺失來改進，增加繼續學習恰進步動力，希望家己後擺會凍創造較好成績。我嘛定定佇各大網站佮公佈欄中找音樂會的消息，對音樂來放鬆平常時佇課業恰生活上的壓力。放假時，我嘛會去迌，去看外口的世界有外媠，擱甲伊翕起來，所以我嘛真愛翕相，甲媠的物件也是植物佮花留作紀念。