phài-ka

 　　一年一擺的大甲媽，佇100年國立四月初八、農曆三月初六，拜五的暗時11點5分起駕。         

　　較早攏只有對電視頂高看到大甲媽的行程，走了幾工幾暝，有多少人佇咧綴媽祖娘娘的腳步，鑽橋腳求平安.......；這擺，我總算親身企體驗啊！雖然只有短短一工的行程，毋過收成是滿滿喔！

　　差不多九點的時，阮就佇雲林的元長鄉鹿寮村佮鹿北村的路邊等待神轎，欲佮媽祖娘娘作伙走，等的過程當中，我有看到足多陣頭佮贊助支持商的花車，頂頭舍物款的攏有，有日頭餅，兔子，米其林輪胎等等，嘛對阮熱情的相借問佮開講，閣用廣播宣佈講媽祖娘娘的座轎閣愛外久才會到位，予阮這的追隨者通心安；頭一擺見到神轎就是覆佇塗跤欲鑽橋腳，兩個人或者是一個人一排，愛覆佮低，包包愛換對胸坎前放，才予轎仔卡著，我覆佇塗跤的時頭殼是一片白佮感覺平靜，是一種足奇怪的感覺，好親像時間就停佇遐仝款，起來了後，就綴著媽祖娘娘的腳步欲走企嘉義新港。

　←　等媽祖娘娘神轎前的陣頭。　

　　←　開路鼓。

　　規條路尚多的就是炮仔佮煙火，滿滿是，有的是兩個兩個排作伙，嘛有成堆的，閣較有疊起來，欲似山仝款，好親像炮仔攏免錢；信徒看到神轎欲來的時，攏會放炮仔表示歡迎佮祝福，炮仔聲就一直攏有，規的庄一片霧霧暗暗全全煙，空氣真不好，若是走佇路頂，閣愛小意隨時會著火的炮，有時陣，你才都走佮偎，伊就來爆炸，足危險的，耳空嘛會足痛苦的，好加在，邊仔的隊伍將我拉企對面的車道。

       　                      ↑      欲似免錢的炮仔，規堆的！！　誠恐怖！　

    ←　點著的炮仔，親像物件爆炸仝款。

　　閣來就是誠心的信徒，規家出動，阿嬤阿公，閣有新婦、孫仔或者是都出世的囡仔，佇厝前雙手合十祈求闔家平安、身體健康，抑是覆佇塗跤等待著鑽轎腳保平安，我有看到一些人會紮衫褲作伙鑽轎腳，我有問彼是舍物作用，講彼是袂凍來的親人的衫仔褲，這嘛是求媽祖娘娘庇蔭的一種方式；有足多阿公阿嬤年歲真高，跪落佮起來攏需要厝內的人扶咧，毋過抑是堅持愛鑽轎腳祈求保庇，這心意實在予人足感動的，一生奉獻給一個家庭，所希望的就是規家人都平安順利、快樂、健康，無論年紀多大了，彼个心願嘛仝款變，這予我體會到媽祖娘娘民間信仰的力量。

↑鑽轎腳。　　　　　　　　　　　　　↑誠心跪求。　

　　←　男女老少覆規列等鑽轎腳。

　　這擺的媽祖行程雖然只有短短一工，毋過，茂賢老師單仔內底所講的一定愛做的代誌我攏有做到，鑽轎腳、拿紅線、搶壓轎金、佮信徒開講、抬神轎，這攏是足新鮮的經驗；毋過，我覺得炮仔太多阿！暗時佇新港公園一直聽到炮仔聲，聽了人真不爽快，真甘苦，欲似世界大戰，地球強欲爆炸了！誠恐怖！這個活動若是炮仔佮煙火會凍減少２／３會更加好，一年一遍這樣放炮仔就有夠了，空氣汙染、環境汙染、水源汙染就啥物攏有阿！對人的身體嘛無好，明年，愛親像老師所講的，愛紮耳窒仔來保護家己的耳仔。嘛真感謝一路頂提供飲料佮食料的信徒，恁的無私奉獻、關愛、包容，將每一個人當作厝內的人咧照顧、款待，真感恩！我決定啊！明年愛走完規程！  

   　←　我抬神轎時的相片，神轎真重。