phài-ka

冊名：玉卿嫂

作者：白先勇

書評：

　　為了對冊中的描寫以外，佇各種角度企看，企探討玉卿嫂這角色，揣了袂少的資料，其中特別的是作者的創作靈感：對作者厝內的一個褓姆。有一擺作者的姐姐講到以前厝內的一個褓姆，人生得很古錐，甲意戴白耳環仔，後來佮伊乾小弟住作伙。作者雖然無見過那個褓姆，不過他覺得戴白耳環仔的女人，愛起人來一定死去活來，所以寫成了《玉卿嫂》這本冊。原來白耳環在作者心中有這款的感覺。

　　素身打扮乎人冰冷、悽涼和悲壯的感覺，不過實為外靜內熱之人，對冊中的衫的描寫就會凍看出過年時的打扮。打壞禮教！抗戰時期就是社會的年代中，透過容哥兒的第一人稱描述表達玉卿嫂情感專一的部份，死心愛著慶生，玉卿嫂超年歲的姊弟仔戀又閣是寡婦的身分，應該是作者刻意營造的。「為情生，為情死，為情癡，為情狂」會凍講是玉卿嫂的尚好的描寫，對細漢的容哥目中去看人生的兩個大題目：愛情佮死亡的心理變化；死亡是人人會經過的，而且佇咱死亡之前一定攏有經歷過親友過身的經驗，不過安詳的死去佮激進的自殺或也猶是揣死是不仝的，若我們是發現死者的人，有啥物感想咧？

　　根據個人的性格佮生活背景，玉卿嫂雖然文靜不過心內不是，伊是一個激進分子，會凍按呢講吧！對應到現實生活中，有足多新聞的例和伊差不多：我愛無著，別人也免愛了！你是我的，不准別人佔有，這也是女性強權的一種吧！。佇我的觀點中，猶結婚前，逐家攏是有機會的，攏是朋友，安呢是何必咧？天涯何處無芳草。一個懵懂的囝仔，不捌愛情，而且為單純的角度看著大人愛情世界內的複雜，強烈的、禁錮的愛情，雙方是攏都無快樂的，禁錮對方的要煩惱被禁錮者是不是偷吃，甘有不忠；被禁錮者若希望自由，就親像鳥仔佇籠中，想要飛也飛無高，想要逃嘛逃袂走，掠準用索仔綁牢的幸福，在命運的門開了後是更沉重的打擊，撕破臉後，下場不就也是按呢？不是你死就是我活，閣來就是雙亡。冊中有講到「玉卿嫂死亡時相貌是誠平靜的，不過慶生不是，目睭 微微睜開的，雙手握拳頭歪一爿，像掙扎的款」。

　　  若是逐家攏會動放開心胸去看每項代誌，不管是愛情、親情、死亡、合作……，是你的物件就會是你的，強求嘛無效，伊仝款會消逝，雙亡比逐家好聚好散閣好，某一種層面的成全別人嘛是一種美德；雖然咱捌有陰影佇咧，不過請試咧放開心胸。

　　要先乎家己一個充足的理由和情緒才下的了手，重生的彼時就是死去的時，殺了心愛的人，心中是坦然的，誠替伊悲憫。